Kapitullimi i të gjitha forcave gjermane hyri në fuqi, më 9 Maj 1945, në orën 00.01 pas mesnate. Lufta e Dytë Botërore, mori fund pas 2077 ditë luftimesh, të përgjakshme dhe shkatërrimtare. Në të u përfshin 72 shtete, që mobilizuan mbi 110 milion ushtarakë. Në këtë kasaphanë të përbotshme, u vranë 55 milionë veta, pa përmendur të plagosurit dhe të gjymtuarit. Dëmet materiale janë të pallogaritshme. Shqipëria u radhit në Koalicionin e Madh Antifashist të popujve. Lufta e popullit tonë, kundër fashizmit, u njoh nga qeveritë e Fuqive të Mëdha në dhjetorin e vitit 1942, me anë të deklaratave të posaçme zyrtare, që bënë për këtë çështje ministrat e tyre të Punëve të Jashtme. Ushtria Nacionalçlirimtare, pa llogaritur forcat e tjera antifashiste, numëronte deri në 70 mijë veta. Në luftimet që u zhvilluan në Shqipëri, pushtuesit lanë 53,639 të vrarë, të plagosur dhe robër pa përmendur humbjet e mëdha në armatime të rënda dhe të lehta. Shqipëria është një nga vendet e pakta, që u çlirua me forcat e veta.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj