Punimi i parë i ikonografit shqiptar Joan Çetiri apo Joan Katros, mban datën 25 Mars të vitit 1792. Ai i përket familjes së piktorëve të afreskeve dhe ikonave, që kanë punuar kryesisht në Myzeqe dhe në Shqipërinë e mesme me prejardhje nga Grabova e Elbasanit. Së bashku me të vëllanë, Gjergjin, kanë pikturuar kishën e Shën Mitrit në Mezhan të Myzeqesë, muret e kishës së Shën Kollit në Vanaj të Fierit, ikonat e katedrales në kalanë e Beratit. Pikturat e tij shquhen për frymën popullore, karakterin krahinor të veshjeve me ornamente të frymëzuara nga zonat myzeqare. Kishat e zbukuruara nga peneli i Joanit dhe pinjollëve të tjerë të familjes së talentuar, janë shpallur të gjitha monumente kulture, sepse ruajnë vlera të mëdha shpirtërore dhe artistike.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj