Në qytetin e lashtë të Shkodrës, më 24 Mars 1895, u lind pedagogu, gazetari dhe përkthyesi Karl Gurakuqi, një nga diplomantët e parë shqiptarë të Universitetit të Gracit. Më 1917, u kthye në Atdhe dhe punoi mësues në Shkodër. Në vitin 1920, u transferua në Vlorë si inspektor arsimi ku u miqësua me Avni Rustemin dhe së bashku drejtuan federatën “Atdheu”. Nga pena e Karl Gurakuqit kanë dalë artikuj dhe studime të shumta, që i ndeshim në fletoret e kohës si “Agimi”, “Telegraf, “Ora”, “Revista Pedagogjike”, “Përpjekja shqiptare”, “Illyria, etj. Ka drejtuar organe të rëndësishme të shtypit, si revistën “Agimi”, “Revistën Pedagogjike”, “Mësuesi”, “Shkolla kombëtare”, etj. Ai ka lënë edhe disa tekste mësimore si, “Libër leximi” për shkollat e mesme, “Gramatika latine”, “Ushtrimet e gramatikës latine”, “Sintaksa latine”. Ka përkthyer veprat e albanologut Karl Patç, “Ilirët” dhe “Gjëndja ekonomike dhe kulturore e Shqipnisë në kohën e kalueme”.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj