Epitafi i Gllavenicës, është një nga objektet më të rëndësishme të besimit ortodoks që është ruajtur dhe ka ardhur deri në ditët tona. Qëndisja e veprës ka përfunduar, më 22 Mars 1373. Ajo është realizuar me fije mëndafshi, ari dhe argjendi me teknikën e mbushjes me gjilpërë. Punimi është kryer me finesë të madhe dhe plastikë të përkryer. Vepra e shenjtë përfytyron Jezu Krishtin të vdekur, të shtrirë mbi një çarçaf me pafta. Në të janë pasqyruar gjithashtu Shën Maria, Shën Joani, ungjillorë, profetë dhe ëngjëj krahëshpalosur. Epitafi i Gllavenicës, është një kryevepër e artit mesjetar shqiptar, që për nga rëndësia i kalon shumë kufijtë e vendit tonë. Ai ka dhe vlera si dokument i rëndësishëm historik, se na dëshmon për lidhjet që kishin princat katolikë Gjergji dhe Balsha që sundonin në veri të vendit me pjesën jugore të Shqipërisë.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj