Për të nderuar veprën dhe krijimtarinë e koreografit Gëzim Kaceli, Artist i Merituar, i cili ndërroi jetë në Bolonja të Italisë në moshën 66-vjeçare Asambli i Këngëve dhe Valleve dha në skenën e Teatrit të Operas dhe Baletit në Tiranë, më 13 Mars 1999, një koncert “Post-mortum”, me veprat më të mira koreografike të tij. Gëzim Kaceli si koreograf i Asamblit të Këngëve dhe Valleve Popullore ka përgatitur shfaqje të shumta që janë duartrokitur brënda dhe jashtë vendit. Çmimet e shumta që ka merituar Asambli përfshirë dhe “Gjerdanin e Artë”, në Festivalin Ndërkombëtar të Dizhonit në Francë, janë vlerësim edhe për krijimtarinë e koreografit të talentuar. Ndihmesë të madhe ka dhënë Gëzim Kaceli edhe në veprimtarinë e Asamblit të Ushtrisë por edhe të Teatrit të Operas dhe Baletit, për vënien në skenë të disa baleteve dhe operave.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj