Mësuesi, shkrimtari dhe përkthyesi kosovar, Ndue Bytyçi, u lind në një fshat afër Shkupit, më 8 Mars 1847. Pas përfundimit të Kolegjit Jezuit të Shkodrës, shërbeu si meshtar në Shkup, Prizren, Pejë e gjetkë. Krahas detyrës së predikuesit shpirtëror, ai jepte dhe mësimin e gjuhës shqipe për besimtarët e vegjël. Ndue Bytyçi u persekutua për frymën e tij patriotike dhe kundërshtimet, që shprehte ndaj politikave shkombëtarizuese të të huajve. Për këtë, në vitin 1898, u largua nga puna në viset kosovare. Protestën e tij ndaj pabarazisë shoqërore dhe varfërisë së madhe e shpreh në poezinë “Lugat” dhe “Memleqeh” (Atdheu). Shumica e vjershave të tij, janë përfshirë në vëllimin “Shahiri Ellez”, që u botua më 1887. Ndue Bytyçi, është përkthyesi i parë që ka sjellë në shqip “Psallmet e Davidit”, duke theksuar me këtë nevojën e predikimit shqip në kishat tona.
Referencat:
Thimi Çollaku / Kalendari i botës shqiptare
You may also like
-
8 Mars 1650, raport i Mark Skurës për shkollën shqipe të Kurbinit
-
8 Mars 1862, lindi Dhimitër Ilo jurist e gazetar
-
8 Mars 1902, u lind shkrimtari Et’hem Haxhiademi
-
8 Mars 1910, 8 Marsi u zyrtarizua si dita ndërkombëtare e gruas
-
8 Mars 1998, u përurua në Shkup pllaka përkujtimore në shtepinë e Nënë Terezës