Në Ninat, fshat i Filatit në Çamëri, më 7 Prill 1811, u lind Hasan Tahsini, intelektuali më i përgatitur në kryeqytetin turk, siç e pat cilësuar vetë inteligjenca osmane. Ja disa nga fjalët dhe vlerësimet e enciklopedistit shqiptar Sami Frashëri, botuar në revistën “Hafta” (Java) më 1881; “Hasan Tahsini, shkruan ai, gjithë jetën ja kushtoi shkencës dhe diturisë. Për t’u bërë i dobishëm për njerëzit, ai, vazhdoi me këmbëngulje rrugën e diktuar nga proverbi..: “kërkoje diturinë kudo që të jetë, qysh nga djepi e gjer në varr”. Librat i mbante gjithmonë në duar, ai jetoi mes tyre dhe aparateve mekanike e teknike. Zotëronte fare bukur dijenitë islamike, gjuhët turqisht, persisht, arabisht, shqip e frëngjisht. Ishte me të vërtetë një shkencëtar i rrallë. Gëzonte aftësinë poetike, letrare, ligjëronte fare bukur. Ka shumë njerëz si unë, që mund të dëshmojnë përsosurinë njerëzore e shkencore të Hoxhë Tahsinit”, e përfundon artikullin e tij Sami Frashëri.
Referencat:
Thimi Çollaku / Kalendari i botës shqiptare
You may also like
-
4 Mars 1448, Venediku caktoi 1000 dukate në vit për atë që do të vriste Gjergj Kastriotin
-
4 Mars 1615, përkujtohet piktori gjerman Hans Fon Ahen; përjetësoi figurën e strategut Gjergj Basta
-
4 Mars 1778, lindi kompozitori i shquar Vivaldi; kompozoi një opera për Skënderbeun
-
4 Mars 1952, u shfaq në teatër pjesa “Revizori” në nder të përvjetorit të Nikollai Gogolit
-
4 Mars 1930, Qeveria e Koço Kotës i la vendin asaj të Pandeli Evangjelit