Sot përkujtohet veprimtari i shquar i lëvizjes kombëtare dhe demokratike, “Mësuesi i Popullit”, Jani Minga. Pas diplomimit në Athinë, filloi të japë mësim dhe në shkollat greke, duke u mësuar nxënësve fshehurazi gjuhën shqipe. Ishte nismëtar i hapjes së shkollës së parë shqipe dhe klubit “Labëria”, në Vlorë, më 1908. Dy vite më vonë, hapi në Kaninë, shkollën shqipe dhe në nëntor 1912, ishte delegat në Kuvendin e Vlorës. Për veprimtari patriotike u internua nga italianët, më 1920. Në vitet 20-të, luftoi për një shkollë kombëtare laike, për një shoqëri dhe shtet demokratik. Ka lënë disa tekste mësimore, me vlera të mëdha për kohën. Jani Minga, nuk u pajtua me regjimin e Zogut, e kundërshtoi pushtimin fashist dhe nazist dhe u ndoq dhe u persekutua familjarisht. Dy djemtë e tij, gjetën vdekjen në kampet naziste të përqëndrimit. Vdiq më 7 Maj 1947.
Referencat:
Thimi Çollaku / Kalendari i botës shqiptare
You may also like
-
18 Shtator 1204, Venediku i shkëputi Arbrit, krahinat më strategjke e tokat më të mira
-
18 Shtator 1415, sistemi doganor i Kastriotëve dëshmohet nga një kronikë e kohës
-
18 Shtator 1803, qeveritari francez i Korfuzit raporton; Ali Pasha me diplomaci të hollë ka plane ambicioze
-
18 Shtator 1835, Veziri i Madh i Perandorisë vjen në Shkodër për të shtypur kryengritjen
-
18 Shtator 1921, trupat serbe dhe forcat e Esat Toptanit bombarduan fshatra shqiptare; 2 muaj luftime të ashpra