Pirro Milkani
Në Korçë, më 5 Janar 1939, u lind operatori, regjizori i filmave dokumentarë dhe artistik, Artisti i Popullit Pirro Milkani. U diplomua në Pragë për operator dhe shumë vite më vonë përfaqësoi vendin tonë në kryeqytetin çek, si ambassador. Në kinostudion “Shqipëria e Re” e filloi karrierën si operator. Xhiroi shumë kinoditarë, reportazhe, dokumentarë, por edhe filma artistikë. Filmi “Ngadhnjim mbi vdekje”, ishte prova e parë e tij si regjizor dhe më pas erdhën edhe 16 filma të tjerë, duke u bërë kështu regjizori më prodhimtar i kinematografisë sonë. Me filmat “Zonja nga qyteti” dhe “Kapedani”, Pirro Milkani u bë ndër themeluesit e kinokomedisë shqiptare. Ai provoi aftësitë dhe talentin e vet edhe në sfera të tjera si në atë të skenarit, të pedagogut etj.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj