Artisti i Popullit, Kadri Roshi, një nga figurat më të ndritura të skenës dhe ekranit shqiptar, u lind më 4 Janar 1924. Rruga e tij artistike ishte sa e vështirë aq dhe e ndritur. Nga shitës biletash dhe sufler, nga rolet e vogla në teatrin partizan dhe ato të burgjeve fashiste ai pasi mbaroi shkollën e parë teatrore në vitin 1945 në Tiranë, më pas në Beograd dhe përfundoi me diplomimin shkëlqyeshëm për art skenik në Pragë, në vitet që pasuan, dominoi skenën dhe ekranin shqiptar për më shumë së gjysëm shekulli. Në repertorin e tij përfshihen mbi 80 role të papërsëritshme në skenë mbi 30 role parësore në ekran. “Ezopi”, “Otello”, “Arturo Ui” dhe shumë figura të tjera që skaliti Kadri Roshi, do të mbeten shkollë për brezat e ardhshëm të aktorëve shqiptarë.
Referencat:
Thimi Çollaku / Kalendari i botës shqiptare
You may also like
-
20 Prill 1881, lindi në Bujan të Tropojës luftëtari i lirisë, Zmajl Hyseni
-
20 Prill 1877, u botua në Bukuresht abetarja”Pellazgjika”, e Vasil Dhimitër Rusos
-
20 Prill 1905, gjyqi turk dënoi Bab Dud Karbunarën për veprimtarinë e tij patriotike
-
20 Prill 1920, u formua në Vlorë, Komiteti “Mbrojtja Kombëtare”
-
20 Prill 1924, Isuf Reçi, plagosi për vdekje Avni Rustemin, një nga krerët e opozitës demokratike