Në numrin e 31 Janarit 1911, gazeta “Shqypeja e Shqypnisë” që dilte në Sofje, botoi memorandumin me titull “Kërkimet e Shqyptarëve”, të firmosur nga krerët e luftimeve kundër pushtimit osman. Në të thuhej se shkaku që shqiptarët dalin në mal, është pozita e padurueshme nën sundimin turk. “Ne, theksohej në memorandum, nuk kemi dalë nëpër male për me vra e për me ç’veshë njerëzit, as me rrëmbye pasurinë e tyre, qëllimi ynë është ti rrëfejmë botës së qytetëruar se nuk jemi të kënaqur nga sundimi osman dhe protestojmë kundër tij”. Kryengritësit shqiptarë kërkonin amnisti politike, hapjen e shkollave në gjuhën shqipe, vetëqeverim administrativ, liri personale dhe gjyqe në gjuhën shqipe. Ka rëndësi të thuhet se kërkesat u botuan edhe në disa organe shtypi europiane.
Referencat:
Thimi Çollaku / Kalendari i botës shqiptare
You may also like
-
13 Qershor 1878, filloi punimet Kongresi i Berlinit
-
13 Qershor 1878, një grup patriotësh shkodranë i dërguan një memorandum kryeministrit britanik Bikonsfild
-
13 Qershor 1878, lidhja shqiptare e Gegërisë i drejtoi një protestë Kongresit të Berlinit
-
13 Qershor 1913, klerikët françeskanë në Shkodër ngritën flamurin kombëtar në këmbanat e kishave të tyre
-
13 Qershor 1920, “Vatra” u njoh zyrtarisht prej organeve kompetente të shtetit të Massaçusetit