Konferenca e Ambasadorëve në Londër, më 31 Gusht 1923, e denoncoi qeverinë e Athinës, si organizatore të vrasjes të kryetarit të Komisionit Ndërkombëtar të Kufijve gjeneralit Italian, Enriko Telini dhe e ngarkoi Greqinë me përgjegjësi morale dhe materiale. Atentati i 27 Gushtit, u krye nga politikanë shovinistë grekë, për të treguar se shqiptarët janë kriminelë dhe vrasës dhe se ata nuk e meritojnë të kenë shtetin e tyre. Bandat greke, bashkë me gjeneral Telinin, vranë edhe shoqëruesin e tij: majorin mjek Korti, togerin Banacini, shoferin Farneti dhe përkthyesin shqiptar Thanas Gjezirin. Megjithë demaskimin ndërkombëtar të krimit, qeveritarët grekë acaruan marrëdhëniet greko-shqiptare. Athina tërhoqi përfaqësuesin e saj diplomatik nga Tirana dhe i thelloi përndjekjet kundër popullsisë çame, që jetonte në trojet e veta.
Referencat:
Thimi Çollaku / Kalendari i botës shqiptare
You may also like
-
29 Nëntor 1861, lindi Teodor Ippeni, diplomat austriak, albanolog
-
29 Nëntor 1912, nota e parë diplomatike e Qeverisë Shqiptare
-
29 Nëntor 1937, përurohet Banka e Napolit në Tiranë
-
29 Nëntor 1939, protestë antifashiste e Liceut të Korçës me këngë patriotike
-
29 Nëntor 1941, grevë e post-telegrafit drejtuar nga Ali Demi