Me rastin e 10-vjetorit të Mbretërisë Shqiptare, më 30 Gusht 1938, në kinema “Nacional”, u zhvillua Festivali Artistik. Atë mbrëmje, luajti orkestra “Bashkimi Elbasanas”, nën drejtimin e Baki Kongolit, pedagog në Shkollën Normale të Elbasanit. Para publikut të zgjedhur, u prezantua me programin e tij të pasur edhe Kori i Institutit “Nana Mbretneshë”, nën drejtimin e pedagoges Jorgjie Filçe (Truja). Shoqëronin në piano, Emilia Tsali, studente e Konservatorit të Selanikut dhe Antoneta Andrea. Festivali u ndoq nga të gjitha familjet, që kishin radio, sepse ai u transmetua nga Radiostacioni i Laprakës. Kjo ishte prova e dytë, që bëri Radio-Tirana para përurimit të saj, më 28 nëntor 1938.
Referencat:
Thimi Çollaku / Kalendari i botës shqiptare
You may also like
-
22 Mars 1373, përfundoi qëndisja e veprës “Epitafi i Gllavenicës”
-
22 Mars, shënohet sot dita ndërkombëtare kundër diskriminimit
-
22 Mars 1992, zgjedhjet e dyta pluraliste në Shqipëri i fitoi Partia Demokratike
-
22 Mars 1932, u nda nga jeta korifeu gjerman Johan Volfgang Gëte
-
22 Mars 1895, u shfaq në Paris filmi i parë në botë, pas 10 vitesh kjo ndodhi në Shqipëri