Odhise Paskali
“Skulptori i Popullit” dhe anëtari i Akademisë së Shkencave Odhise Paskali, u lind në Përmet, më 30 Dhjetor 1903. Ai e shkroi biografinë e vet dhe të Atdheut me daltë dhe penë. Studioi dhe u diplomua në Itali, për histori arti, por që në vitet universitare punoi bustin “I urituri”, që e bëri të njohur dhe e përcaktoi në rrugën e tij si skulptor. Krijimtaria e tij si skulptor dhe pedagog, si luftëtar dhe nismëtar për zhvillimin e arteve, është tepër e begatë. Nuk ka qytet ku të mos lartohen veprat e tij, nuk ka heronj të luftës dhe të punës, që ai të mos i ketë përjetësuar, duke përjetësuar njëherësh edhe emrin e tij. Kur arti ynë ende nuk ishte ngjizur, ai krijoi shoqërinë “Miqt e artit”, ngriti shkollën e parë të vizatimit në Tiranë, ndihmoi në hapjen e parë të ekspozitës së parë të “Artit të thjeshtë”. Deri sa vdiq, ai nuk e lëshoi daltën nga dora ashtu sikurse nuk e pushoi punën për pregatitjen e talenteve të reja, për nxitjen e zhvillimit të arteve të bukura në vendin tonë.
Referencat:
Thimi Çollaku / Kalendari i botës shqiptare
You may also like
-
16 Janar 1862, lindi Bajram Curri, tribun i vegjëlisë
-
16 Janar 1910, vdiq në burg patrioti Vasil Negovani
-
16 Janar 1920, letër e Luigj Bumçit për Konferencën e Paqes
-
16 Janar 1947, u lind gazetari dhe publicisti kosovar Hasan Mal Hasani
-
16 Janar 1967, u krijua Estrada e Ushtarit, trupë profesioniste e ushtrisë shqiptare