Kolonel Irfan Peshtani, u lind në Berat, më 28 Shkurt 1907. Pas shkollës së mesme ndoqi Fakultetin e Mjekësisë në Universitetin e Vjenës. Në vitin 1928, ndoqi Shkollën e Artilerisë në Itali. Në Atdhe shërbeu në ushtrinë mbretërore si oficer artilerie. Në fillimin e Luftës Nacionalçlirimtare, në vitin 1943, doli në mal dhe u rendit me forcat e Brigadës III Sulmuese si shef i Shtabit të saj. Irfan Peshtani, vazhdoi të shërbejë në radhët e forcave të armatosura edhe pas çlirimit të vendit. Më 1946 u emërua komandant i kursit të parë të oficerave që u hap në Tiranë. Më pas komandoi Regjimentin e Artilerisë të Divizionit të pestë. Në vitin 1948, transferohet në dikasterin e Mbrojtjes ku shërben dy vjet dhe më pas doli ne lirim dhe kreu detyra të ndryshme në ndërtim dhe transport.
Referencat:
Thimi Çollaku / Kalendari i botës shqiptare
You may also like
-
12 Shkurt 1882, në Shkodër u luajt drama e poetit arbëresh Leonardo de Martino
-
12 Shkurt 1891, lindi Petref Pogoni, arsimtar i dekoruar me Urdhërin “Kalorës i Legjionit të Nderit”
-
12 Shkurt 1919, Qeveria e Durrësit kërkon kthim të mëvetësisë
-
12 Shkurt 1931, në atentatin kundër Zogut në Vjenë, mbeti i vrarë adjutanti i tij Llesh Topollaj
-
12 Shkurt 1932, lindi në Përmet mjeku Mantho Nakuçi