Pedagogu dhe juristi, Nikollaq Stralla, u lind në Korçë, më 27 Qershor 1907, Pas përfundimit të Liceut të Korçës, ndoqi Universitetin e Montpeliesë, fakultetin e historisë dhe atë juridik, të cilët i përfundoi shkëlqyeshëm. Me dy diploma, kthehet nga Franca në Atdhe dhe emërohet mësues historie, në Shkollën Normale Femërore të Korçës. Njëkohësisht, ai zhvillon në qytetin e lindjes një veprimtari të dendur kulturore artistike. Më 1933, u emrua drejtor i Shkollës Qytetëse Mashkullore, të Korçës. Në vitet e pushtimit të Shqipërisë, si antifashist, u pushua nga puna, por në vitin 1941, rifilloi detyrën në Liceun e Korçës. Pas çlirimit, dha mësim në Shkollën Tregëtare të Vlorës. Gjatë viteve 1955-1967, ushtroi profesionin e juristit, deri sa doli në pension. Ai ka lënë disa studime historike, që janë botuar në vitin 1974. Për punën e tij të madhe si pedagog, jurist dhe studjues, Nikollaq Stralla, është dekoruar me Urdhërin “Naim Frashëri”, të Klasit të Parë.
Referencat:
Thimi Çollaku / Kalendari i botës shqiptare
You may also like
-
2 Tetor 1457, bën bujë të madhe fitorja e Skënderbeut në Ujëbardhë
-
2 Tetor 1754, Theofan Popa solli shqip mbishkrimin e kishës së Shën Morenës
-
2 Tetor 1887, Françesko Krispi, kryeministër i Italisë me origjinë arbëreshe, i foli Bismarkut për pavarësinë e Shqipërisë
-
2 Tetor 1900, Komiteti Shqiptar i Stambollit ftoi Fuqitë e Mëdha të pranojnë shqiptarët në gjirin e vëndeve të qytetëruara
-
2 Tetor 1906, konsulli i parë Amerikan hapi seli në Shkodër