Të nxitur nga Papa Eugjeni IV, bujarët shqiptarë në vitin 1433, u ngritën kundër pushtimit turk. I pari u hodh në kryengritje Gjergj Arianiti. Fitorja e tij, u dha zemër edhe shqiptarëve të krahinave të tjera, të sulmonin garnizonet turke. Banorët e rrethit të Gjirokastrës, thirrën djalin e Gjin Zenebishtit, sundimtarit të tyre të mëparshëm, Depë Zenebishtin, që ishte strehuar në Korfuz. Kryengritësit rrethuan Gjirokastrën, që ishte kryeqëndra e Sanxhakut të Shqipërisë. Garnizoni turk rrethuar, rezistoi deri sa i erdhën ndihma nën komandën e Turhan Pashes. Shqiptarët u vunë midis dy zjarreve dhe lanë në fushën e betejës mbi 1000 të vrarë. Edhe Depë Zenebishti, u zu rob dhe u vra.
Referencat:
Thimi Çollaku / Kalendari i botës shqiptare
You may also like
-
1 Janar 1702, lindi Dom Gjon Nikollë Kazazi, zbulues i “Mesharit”
-
1 Janar 1860, botohet gazeta “Pellazgu”
-
1 Janar 1884, u krijua shoqëria patriotike “Dëshira” nga mërgimtarët e Sofjes
-
1 Janar 1913, mbërrin në Londër delegacioni i Qeverisë së Përkohshme të Vlorës
-
1 Janar 1920, krijohet Komisioni Organizues i Kongresit të Lushnjës