Sekretari i kabinetit të Kontit Ciano, Karlo De Ferari, më 25 Mars 1939, niset për t’i dorëzuar Ahmet Zogut, “Projektin për Paktin e Protektoratit”. Ja si e përshkruan në ditarin e vet Ministri i Jashtëm fashist këtë ngjarje: “S’është e mundur akoma të parashikohet, shkruan ai, si do të jetë zhvillimi i ngjarjeve, por duket e mundshme që Zogu do të nënshtrohet. Veç të gjithave është një fakt familjar të cilit i kam shumë besim, lindja e shpejtë e një fëmije. Zogu e do gruan e në përgjithësi gjithë familjen. Besoj se do të preferojë t’u sigurojë farefisit të vet një të ardhme qetësie. Dhe çiltërsisht, nuk e imagjinoj dot Geraldinën, me barkun nëntë muajsh, të shtegëtojë duke luftuar nëpër malet e Matit e të Mirditës”.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj