Në qytetin historik të Prizrenit, më 25 Mars 1877, u lind Dom Pashko Krasniqi, klerik, arsimtar dhe patriot i shquar. Pas përfundimit të studimeve të larta për teologji, në Austri, shërbeu si famulltar në Gjakovë, ku krahas shërbesave fetare, hapën shkolla nate për të mësuar gjuhën shqipe. Gjatë viteve 1912-1914, shërbeu në Prizren, ku krahas kishës dhe shkollës, punoi edhe si korespondent i gazetës vieneze “Raihpost”, duke trajtuar në faqet e saj problemet e hallet e Kosovës dhe të Shqipërisë. Kjo e vuri në shënjestër të shovinistëve serbë dhe ai u detyrua të emigrojë në Sofje, Budapest e Vjenë. 9 vjet rresht predikoi në bjeshkët mirditore. Shërbesat e fundit i kreu në Vig të Mirditës në Nëntor të 1930. Po gjatë gjithë këtyre viteve, nuk rreshti së punuari edhe si mësues edhe si shpërndarës i dijeve, kudo ku shkeli këmba e tij, kishat dhe qelat u kthyen edhe në shkolla.
Referencat:
Thimi Çollaku / Kalendari i botës shqiptare
You may also like
-
10 Mars 1902, komiteti i Bukureshtit kërkon nga fuqitë e mëdha të përkrahin autonominë e Shipërisë
-
10 Mars 1907, u botua në Sofje numri i parë i gazetës satirike “Shkopi”
-
10 Mars 1914, At Fan Noli kreu shërbesë fetare në Durrës për nder të Princ Vidit
-
10 Mars 1937, nisën punimet për ndërtimin e burgut të Burrelit
-
10 Mars 1956, premierë në Teatrin Popullor e dramës “Qengji i tërbuar”