Në pllajën e Greçës të Malësisë së Madhe, më 23 Qershor 1911, u mblodh Kuvendi i Përgjithshëm i krerëve shqiptarë, i cili miratoi “Memorandumin e Greçes” dokument historik, që përmban kërkesa për krijimin e një province autonome shqiptare. U hartua nga Ismail Qemali dhe Luigj Gurakuqi; iu paraqit Qeverisë turke dhe Fuqive të Mëdha dhe u shtyp edhe si broshurë më vete. I njohur me emrin “Libri i kuq”, dokumenti përmbante 12 kërkesa për autonominë territoriale e administrative të Shqipërisë, ndër të cilat, njohjen e kombit shqiptar, bashkimin e vilajeteve me popullsi shqiptare, venclosjen e administratës civile e financiare shqiptare, krijimin e organeve gjyqësore, të xhandarmërisë e policisë me vendas, përdorimin në administratën në gjyqe e kuvende të gjuhës shqipe, etj.
Referencat:
Thimi Çollaku / Kalendari i botës shqiptare
You may also like
-
14 Korrik 1273, Durrësi u godit nga një tërmet i fuqishëm apokaliptik
-
14 Korrik 1775, vdiq Mehmet Pashë Bushatlliu i Shkodrës
-
14 Korrik 1868, lindi në Akra të Turqisë skulptori, poeti dhe patrioti i Rilindjes sonë Kombëtare, Murat Toptani
-
14 Korrik 1908, Lumo Skëndo, botoi numërin e parë të gazetës “Liria”
-
14 Korrik 1925, vdiq i helmuar nga agjentët serbë Mehmet Konjuhi, luftëtar dhe prijës ushtarak i Kosovës