Me rastin e hapjes solemne të Teatrit “Dela Pergola” të Firences, më 22 Korrik 1718, u dha premiera e operas “Skëndërbeu”, me muzikë të kompozitorit të shquar italian Antonio Vivaldi, autor i 47 opera, 25 kantatave, 23 sinfonive, 75 sonetave dhe shumë veprave të tjera muzikore. E tillë ka qënë pesha e penës së autorit të operas “Skëndërbeu”. Sipas kronikave të kohës, shfaqja e operas pati shumë sukses. Megjithëse opera në atë kohë, ishte privilegj i klasave të larta, për herë të parë në shfacijen e “Skëndërbeut”, mori pjesë populli i Firences. Libreti i shkruar nga Antonio Salvi, për herë të parë, tematikën e vet e mbështet mbi një ngjarje reale historike, duke shënuar kështu një kthesë, në historinë e artit operistik. Dhe në këtë kthesë vlen të theksohet, që ishte pikërisht Heroi ynë Kombëtar, që u përzgjodh si protagonist edhe midis shumë figurave të tjera historike, ishte pikërisht figura e Gjergj Kastritotit, që u ngjit në skenën operistike italiane.
Referencat:
Thimi Çollaku / Kalendari i botës shqiptare
You may also like
-
10 Maj 1330, u bekua Manastiri i Shën Gjon Vladimirit, ndërtuar prej Karl Topisë, Princ i Krujës dhe Zot i Durrësit
-
10 Maj 1467, një letër e shkruar në Venedik mbi fitoren e Gjergj Kastriotit kundër Ballaban Pashës
-
10 Maj 1819, Ali Pashë Tepelena e mori qytetin e Pargës pa luftë
-
10 Maj 1892, në kryeqytetin Rumun, u hap shkolla e parë Normale në Gjuhën Shqipe
-
10 Maj 1897, Visar Dodani filloi botimin e gazetës “Shqipëria” në Bukuresht