Në korrik të vitit 1649, u lind në Urbin, aty ku ishte vendosur familja e tij, Gjon Françesk Albani, i cili në vitin 1700, u celebrua në Vatikan, si Papa i Romës, me emrin Klementi Xl. Ai është Papa i dytë me prejardhje shqiptare, që mbajti këtë post të lartë kishtar për 20 vjet. Papa i parë me gjak shqiptar ka qënë, Papa Eleuter. Në moshën 11 vjeçare, Gjon Françesk Albani, shkoi për të studjuar në Romë. U shqua si një njeri me vullnet dhe mëndje të ndritur. U bë kardinal në hierkinë kishtare nga Papa Aleksandri i VIII. Pas vdekjes së Inocentit të XII, hipi në fronin papnor. U shqua si dashamir i artit dhe i kulturës, si njeri human dhe zemër të madhe, ai pajisi dhe shtoi numërin e spitaleve, pasuroi bibliotekën e Vatikanit, meremetoi Panteonin, vuri në mbrojtje objektet e artit dhe të kulturës; njihet si ripërtëritësi i mjeshtërisë së lashtë të mozaikëve. U kujdes për mëkëmbjen e fabrikave dhe punishteve të ndryshme. Gjatë 20 vjetëve të administrimit të tij, u prodhuan 81 akte të larta papnore, 1412 letra të mbledhura në dy vëllime, 28 ligjërata dhe 130 biseda me rëndësi historike.
Referencat:
Thimi Çollaku / Kalendari i botës shqiptare
You may also like
-
6 Dhjetor 1454, Alfonsi, aleat i Skënderbeut i kërkon Papës mbështetjen kundër turqëve
-
6 Dhjetor 1767, kremtohet sot përvjetori i patriotit Naum Veqilharxhi
-
6 Dhjetor 1912, Qeveria e Vlorës mban në fuqi “Ligjet e Perandorisë”
-
6 Dhjetor 1921, Qazim Koculi emërohet kryeministër dhe dorëhiqet po atë ditë
-
6 Dhjetor 1922, Konferenca e Ambasadorëve ia lë Shën Naumin Shqipërisë