Në korrik të vitit 1649, u lind në Urbin, aty ku ishte vendosur familja e tij, Gjon Françesk Albani, i cili në vitin 1700, u celebrua në Vatikan, si Papa i Romës, me emrin Klementi Xl. Ai është Papa i dytë me prejardhje shqiptare, që mbajti këtë post të lartë kishtar për 20 vjet. Papa i parë me gjak shqiptar ka qënë, Papa Eleuter. Në moshën 11 vjeçare, Gjon Françesk Albani, shkoi për të studjuar në Romë. U shqua si një njeri me vullnet dhe mëndje të ndritur. U bë kardinal në hierkinë kishtare nga Papa Aleksandri i VIII. Pas vdekjes së Inocentit të XII, hipi në fronin papnor. U shqua si dashamir i artit dhe i kulturës, si njeri human dhe zemër të madhe, ai pajisi dhe shtoi numërin e spitaleve, pasuroi bibliotekën e Vatikanit, meremetoi Panteonin, vuri në mbrojtje objektet e artit dhe të kulturës; njihet si ripërtëritësi i mjeshtërisë së lashtë të mozaikëve. U kujdes për mëkëmbjen e fabrikave dhe punishteve të ndryshme. Gjatë 20 vjetëve të administrimit të tij, u prodhuan 81 akte të larta papnore, 1412 letra të mbledhura në dy vëllime, 28 ligjërata dhe 130 biseda me rëndësi historike.
Referencat:
Thimi Çollaku / Kalendari i botës shqiptare
You may also like
-
10 Maj 1330, u bekua Manastiri i Shën Gjon Vladimirit, ndërtuar prej Karl Topisë, Princ i Krujës dhe Zot i Durrësit
-
10 Maj 1467, një letër e shkruar në Venedik mbi fitoren e Gjergj Kastriotit kundër Ballaban Pashës
-
10 Maj 1819, Ali Pashë Tepelena e mori qytetin e Pargës pa luftë
-
10 Maj 1892, në kryeqytetin Rumun, u hap shkolla e parë Normale në Gjuhën Shqipe
-
10 Maj 1897, Visar Dodani filloi botimin e gazetës “Shqipëria” në Bukuresht