Vdiq në Tiranë, më 22 Gusht 1971, “Mësuesi i Popullit”, Gjergj Canco. U lind në Korçë më 1906. Mësimet e para dhe Liceun Kombëtar, i kreu në vendlindje. Që në bangat e shkollës, u aktivizua me veprimtari shoqërore dhe atdhetare; ishte sekretar i shoqërisë “Shpresa” të liceistëve. Tërë jetën e tij Gjergj Canco, ia kushtoi arsimit dhe shkollës shqipe, edukimit të brezit të ri. Në vitet e para të karrjerës së vet pedagogjike, dha mësim matematike në shkollat e mesme të Shkodrës dhe Tiranës. Duke filluar nga viti 1945, për një çerek shekulli, drejtoi Politeknikumin “17 Nëntori'”, në kryegytet, njëra prej shkollave të mesme më të mëdha të vendit, vatër e përgatitjes të mijëra kuadrove të mesme teknike të profileve të ndry-shme. Gjergj Canco, ka dhënë ndihmesë të çmuar dhe të shumanshme në fushën e arsimit profesional, për hartimin e programeve të shkollave të mesme profesionale, në lidhjen e teorisë me praktikën, etj. Disa herë është zgjedhur deputet, në Kuvendin Popullor.
Referencat:
Thimi Çollaku / Kalendari i botës shqiptare
You may also like
-
31 Gusht 1919, Komiteti i Kosovës i bën thirrje popullit shqiptar të mobilizohet në mbrojtje të atdheut
-
31 Gusht 1923, Konferenca e Ambasadorëve në Londër denoncon Athinën si organizatore të vrasjes të gjeneralit Enriko Telinit
-
31 Gusht 1938, shoqëria Vllaznia jep shfaqje teatrore me rastin e 10-vjetorit të Mbretërisë Shqiptare
-
31 Gusht 1952, u krijua Shërbimi Gjeologjik Shqiptar
-
31 Gusht 1968, u ndërtua hekurudha Rogozhinë-Fier