Normalja e Elbasanit
Kongresi mbarëshqiptar i Elbasanit u mbajt në kushtet e pushtimit osman, nga 2 deri në 8 Shtator 1909 dhe synonte përhapjen e arsimit dhe të kulturës kombëtare si bazë kryesore, që do të siguronte të ardhmen e Shqipërisë së lirë dhe të pavarur. Në këtë kuvend morën pjesë 35 përfaqësues të klubeve dhe shoqërive shqiptare, midis të cilëve patriotë si Simon Shuteriqi, Sevasti Qirjazi, Nikoll Kaçori, Thoma Papapano, Orhan Pojani, Grigor Cilka etj. Kongresi i Elbasanit vendosi ngritjen e Normales së Elbasanit, shkolla e parë e mesme pedagogjike, ku do të përgatiteshin mësuesit për shkollat shqipe. Atje u vendos edhe ngritja në Korçë e shoqërisë qëndrore shkollore “Përparimi”, e cila do të kujdesej për mbajtjen dhe administrimin e shkollës pedagogjike, për hapjen e shkollave të tjera shqipe dhe botimin e teksteve dhe librave në gjuhën tonë. Shoqëria “Përparimi”, si dhe të gjithë klubet dhe shoqëritë atdhetare, sipas vendimeve të Kongresit, zhvilluan një veprimtari dhe luftë të vendosur, duke kërkuar nga autoritetet xhonturke hapjen e shkollave shqipe dhe futjen e gjuhës amtare në të gjitha shkollat ekzistuese, zgjerimin e lëvizjes për autonominë e Shqipërisë.
Referencat:
Thimi Çollaku / Kalendari i botës shqiptare
You may also like
-
8 Maj, Dita Kombëtare e Kryqit të Kuq dhe Gjysmë Hënës së Kuqe
-
8 Maj 1786, u dha premiera e tragjedisë “Skënderbeu”, në skenën e Teatrit Francez në Paris
-
8 Maj 1910, u zhvillua beteja e Carralaves, ndërmjet kryengritësve shqiptar dhe ushtrive osmane
-
8 Maj 1926, u përfundua marrëveshja ndërmjet Qeverisë Shqiptare dhe Bankës Serbo-Shqiptare
-
8 Maj 1937, Mbreti Zogu I dekretoi Ligjin për ndryshimin e emrave të disa qyteteve, fshatrave, lagjeve, lumenjve, etj