Në një letër që mban datën, 19 Prill 1785, drejtuar zyrës detare të Republikës së Venedikut, nënkonsulli i saj në Shkodër Jak Suma, njofton për bisedimet dhe marrëveshjet, që po bënte Kara Mahmut Pasha me krerët dalmatë të Pastroviçit. Këta të fundit kërkonin mbrojtjen e Pashait të fuqishëm të Shkodrës dhe i ofronin atij bashkëpunimin ushtarak dhe haraçin, një zekinë për shtëpi. Nga ana e tij kreu i Pashallëkut të Shkodrës, në marrëveshjet e përfunduara i jepte mundësi gjithë komunitetit të Pastroviçit, “që të vijnë fare lirisht këtu në Shkodër, për të zhvilluar tregëtinë dhe çfarëdo t’u pëlqejë, duke i numëruar si të qënkeshin nënshtetas shkodranë”.
Referencat:
Thimi Çollaku / Kalendari i botës shqiptare
You may also like
-
25 Prill 1433 bujarët shqiptarë ngrihen kundër pushtimit turk
-
25 Prill 1911 u mbajt Kuvendi i mërgimtarëve në Bukuresht
-
25 Prill 1911 u vra patrioti Rushit Dine Halili
-
25 Prill 1919 shfaqet në Shkodër komedia “Shërbëtori i dy zotërinjve”
-
25 Prill 1920, Mehmet Konica i dërgon telegram Konferencës së fuqive aleate