Në Shën Adriani të Italisë, më 19 Janar 1734, u çel Kolegji Arbëresh. Në fillim u quajt Kolegji Arbëresh Korsini dhe më pas Kolegji Arbëresh i Shën Adrianit. Ndër vite ai u kthye në një vatër të rëndësishme ptriotike, arsimore dhe kulturore. Pas themelimit të katedrës së gjuhës shqipe nga De Rada më 1846, kolegji dha një ndihmesë të vyer për shkollën shqipe dhe mendimin pedagogjik shqiptar në përgjithësi. Gati të gjithë poetët, shkrimtarët, studiuesit dhe dijetarët arbëreshë të shekullit të XVII-XIX kanë ndjekur këtë institut arsimor. Kolegji Shën Adriani ka mbajtur gjallë gjuhën shqipe ndër arbëreshët, dashurinë dhe ndjenjat patriotike për atdheun si dhe traditat e bukura e të lashta shqiptare.
Referencat:
Thimi Çollaku / Kalendari i botës shqiptare
You may also like
-
12 Shkurt 1882, në Shkodër u luajt drama e poetit arbëresh Leonardo de Martino
-
12 Shkurt 1891, lindi Petref Pogoni, arsimtar i dekoruar me Urdhërin “Kalorës i Legjionit të Nderit”
-
12 Shkurt 1919, Qeveria e Durrësit kërkon kthim të mëvetësisë
-
12 Shkurt 1931, në atentatin kundër Zogut në Vjenë, mbeti i vrarë adjutanti i tij Llesh Topollaj
-
12 Shkurt 1932, lindi në Përmet mjeku Mantho Nakuçi