18 Maj 1906, u lind në Lusë të Përmetit, shkrimtari Nonda Bulka

U lind në Lusë të Përmetit, 18 Maj 1906, shkrimtari, prozatori dhe përkthyesi Nonda Bulka, i cili ka përdorur pseudonimin “Chri-Chri”. Pas liceut të Korçës, ndoqi studimet e larta në Francë. Në atdhe, punoi si nënpunës dhe pedagog. U bë i njohur me shkrimet e tij. Vjershat dhe tregimet e para, i ka botuar në shtypin e kohës si “Bota e re”, “Iliria”, “Minerva”, “Ora”, etj. Në 1934, botoi vëllimin e parë poetik “Kur qan e qesh bilbili”. “Skica dhe tregime”, doli pas çlirimit, më 1950, që u pasua nga “Vargje satirike”, “Nën dritën e yllit”, dhe 8 vëllime të tjera. Nga pena e tij, kanë dalë edhe shumë përkthime. Komedia “Topazi”, me të cilën e filloi veprimtarinë e vet Teatri Popullor në Tiranë, është shqipërim i Nonda Bulkës.

Referencat:

Thimi Çollaku / Kalendari i botës shqiptare