Më 18 Janar 1992, u nda nga bota shkencore shqiptare inxhinieri Andrea Xega, personalitet i shkencave minerare dhe shkencëtari poliedrik. U lind në Korçë në vitin 1907. Mbaroi liceun e Korçës dhe u diploma në Shkollën e Lartë të Minierave dhe Gjeologjisë në Saint Etien të Francës. Punoi si inxhinier në minierat e famshme të Alsasës e Lorenit dhe më pas në Marok dhe Algjeri. Më pas ai vendoi të kthehej në atdhe, ku hapi minierat e para të qymyrit dhe të kromit. Bashkëpunoi me inxhinierët e huaj dhe për këtë pas çlirimit arrestohet dhe dënohet me vdekje, por punon në burg si inxhinier i minierës së Bulqizës. Atje punoi dhe pas lirimit. Më pas emërohet pedagog në Politeknikumin “17 Nëntori” dhe nga 1963, si projektues në institutin e Studimeve Minerare, ku përfundoi rreth 30 projekte minierash.
Referencat:
Thimi Çollaku / Kalendari i botës shqiptare
You may also like
-
4 Shkurt 1919, Konferenca e Paqes mori në shqyrtim pretendimet e Greqisë ndaj Shqipërisë
-
4 Shkurt 1927, lindi humoristi shkodran Tano Banushi
-
4 Shkurt 1937, u krijua një Komision që vlerësonte përshtatshmërinë e botimeve në Shqipëri
-
4 Shkurt 1944, shënohet masakra e Tiranës
-
4 Shkurt 1993, marrëveshje bashkëpunimi me Bullgarinë për kulturën