Dramaturgu dhe aktori i njohur i skenës shqiptare Besim Levonja, “Artist i Merituar” u lind, më 16 Mars 1922. Rrugën artistike e nisi në malet e Shqipërisë, ku luftohej kundër pushtuesve nazifashistë. Shkroi dhe shfaqi dramat “Sabaudin Gabrani” dhe “Peza heroike”. Pas çlirimit ishte ndër themeluesit e Teatrit Popullor dhe të Estradës së Shtetit në Tiranë. Fill mbas çlirimit të kryeqytetit, shkroi dhe vuri në skenë komedinë “Ceni Hoxhë”, mori pjesë aktive në emisionin e përjavshëm “Ora gazmore” të Radio-Tiranës. Penës së tij i përkasin skeçe të shumta humoristike, komedia “Prefekti”, që bëri aq bujë, dramat “Janë plagët që flasin”, “Dasma e madhe”, etj.
Referencat:
Thimi Çollaku / Kalendari i botës shqiptare
You may also like
-
29 Dhjetor 1919, mërgimtarët e Kanadasë, Zvicrës dhe Amerikës; protestë telegrafike për Parlamentin Italian
-
29 Dhjetor 1920, doli numri i parë i gazetës së pa varur “Shkrepëtim’e Korçës”
-
29 Dhjetor 1924, plagët e betejës shuan Elez Isufin; një jetë me pushkë kundër armiqve
-
29 Dhjetor 1944, shënohet sot ringritja e ATSH-së
-
29 Dhjetor 1968, përkujtohet mjeku i shquar Janko Theodhosi