Sot përkujtohet Prof. Stefanaq Pollos, një nga përfaqësuesit e shquar të shkencës historike shqiptare. U lind në Përmet, më 1923. Ndoqi Liceun e Korçës, e nga viti 1942, mori pjesë në Luftën Nacionalçlirimtare. Ishte ndër drejtuesit e parë të gazetës “Zëri i Rinisë” dhe “Bashkimi”. Pas diplomimit në Universitetin “Lomonesov” të Moskës, dha leksione në Institutin e Lartë Pedagogjik 2-vjeçar, në Tiranë. Me ngritjen e Universitetit të Tiranës, u emërua Dekan i FakuItetit Histori-Filologji. 35 vitet e fundit të punës së tij kërkimore dhe krijuese, i kaloi si titullar i Institutit të Historisë, ku ai ka kryesuar dhjetra komisione për problemet e arsimit dhe shkencës dhe të kulturës, ka organizuar dhe drejtuar dhjetëra veprimtari dhe tubime shkencore. Prof. Pollos ka lënë një trashëgimi të pasur artikujsh dhe studimesh, të botuara në fletoret tona shkencore, por edhe jashtë. Për shumë vite, ai ka drejtuar revistën “Studime historike”, ka qënë redaktor përgjegjës i tekstilit “Historia e Shqipërisë”, për shkollat e larta, tekst me disa vëllime, që është ribotuar disa herë, bashkëautor i botimit, “Historia e Shqipërisë” dhe “Fjaiori Enciklopedik Shqiptar”, autor i përmbledhjes “Në gjurmë të historisë kombëtare”. Shumë shkrime dhe punime të tij, kanë mbetur në dorëshkrim. Vdiq më 16 Maj 1997.
Referencat:
Thimi Çollaku / Kalendari i botës shqiptare
You may also like
-
6 Korrik 518, nga një tërmet në Dardani, u rrënuan 24 qytete dhe, ndër ta edhe kryeqëndra e Dardanisë, Skupos
-
6 Korrik 1912, kryengritësit shqiptarë me në krye Refik Toptani shpartallojnë turqit në kalanë e Krujës
-
6 Korrik 1914, vritet pabesisht nga bandat e Esat Toptanit, Mendu Zavalani
-
6 Korrik 1914, u hap në Delvinë Kongresi Panepirot
-
6 Korrik 1937, Shqipëria merr pjesë në Ekspozitën Ndërkombëtare të Parisit