Më 12 Korrik 1577, priftër, klerike e laikë dhe i gjithë populli i Himares, me anë të përfaqësuesve të tyre Nikollë Gjika dhe Gjergj Katas, i dërguan një letër Papës, ku i tregojnë se ata kanë qëndruar vazhdimisht me luftë, pa rënë në zgjedhën e osmanëve. “Që prej kohës së të vlertit Skënderbe, thuhet në letër, askush, as vetë turku i egër dhe i prapë, me të gjithe fuqinë e tij të tmerrshme, kurrë nuk ia ka dalë të na shtrojë nën zotërim të vet…” Himariotët i kërkojnë ndihmë Atit të Shenjtë, për të rindërtuar faltoret e shkatërruara dhe për të blerë armë.
Referencat:
Thimi Çollaku / Kalendari i botës shqiptare
