Patrioti dhe shkrimtari shqiptar, Aleksandër Stavre Drenova, apo siç njihet me pseudonimin Asdreni lindi, më 11 Prill 1872. Ja ç’farë shkruhet në “Enciklopedinë e shkurtër letrare” (Kratkaja Literaturnaja Enciklopedia) për bashkëatdhetarin tonë të ndritur: “Asdreni është poet dhe publicist shqiptar. Arsimin e lartë e mori në Rumani. Mori pjesë në veprimtaritë e shoqatave të emigrantëve shqiptarë, që luftonin për çlirimin e Shqipërisë nga zgjedha turke. Veprimtarinë letrare e ka filluar në vitin 1900. Dy përmbledhjet e para poetike, “Rreze dielli” 1904 dhe “Endrra dhe lot” 1912, i ka botuar në Bukuresht. Në këto vargje, Asdreni i këndoi atdheut, natyrës së tij dhe heronjve popullorë. Pas shpalljes së pavarësisë së Shqipërisë (në Nëntor 1912), Asdreni ka shërbyer në Konsullatën e Shqipërisë në Rumani. Në vitin 1930, botoi vëllimin poetik “Psalme murgu”, ku mbizotërojnë motivet patriotike”.
Referencat:
Thimi Çollaku / Kalendari i botës shqiptare
You may also like
-
20 Prill 1881, lindi në Bujan të Tropojës luftëtari i lirisë, Zmajl Hyseni
-
20 Prill 1877, u botua në Bukuresht abetarja”Pellazgjika”, e Vasil Dhimitër Rusos
-
20 Prill 1905, gjyqi turk dënoi Bab Dud Karbunarën për veprimtarinë e tij patriotike
-
20 Prill 1920, u formua në Vlorë, Komiteti “Mbrojtja Kombëtare”
-
20 Prill 1924, Isuf Reçi, plagosi për vdekje Avni Rustemin, një nga krerët e opozitës demokratike