Pianisti dhe kompozitori Kozma Lara, u lind në Durrës, më 10 Korrik 1930. Veprat e tij të para, filluan të dëgjoheshin në vitet ’60-të. Në 1965, u duartrokit sinfonia, e cila ndonëse rradhitet ndër veprat e tij të para, mbetet një nga më të realizuarat. Një vit më vonë, kompozoi muzikën e baletit “Fatosi partizan”, që u vu në skenë nga koreografi Panajot Kanaçi. Në vitet që pasuan, kompozoi koncert për violinë e orkestër, koncert për piano e orkestër, rapsodi për piano e orkestër, suita orkestrore, valle sinfonike, etj. Baladat dhe sonatat për piano të Kozma Larës, janë veprat e para të këtij lloji, në muzikën pianistike shqiptare dhe përfaqësojnë arritjet më të mira, në krijimtarinë e autorit.
Referencat:
Thimi Çollaku / Kalendari i botës shqiptare
You may also like
-
7 Korrik 1920 lindi Prokop Mima.
-
7 Korrik 1878, Komiteti i Lidhjes së Prizrenit, vendosi marrjen e masave, për ruajtjen e territorit të Shqipërisë
-
7 Korrik 1908 në Manastir, xhonturqit vranë Shemsi Pashën
-
7 Korrik 1924, në Gjirokastër, u ngrit Klubi i Shoqërisë “Studenti”
-
7 Korrik 1925, doli numëri i parë i gazetës “Liria Kombëtare”