Në një familje nënpunësish, në qytetin e Korçës, më 14 Shkurt 1916, u lind Theodhor Samsuri, arsimtar dhe diplomat i shquar. Pas përfundimit me sukses të Liceut Kombëtar të Korçës, ndoqi studimet e larta në Universitetin e Lionit në Francë. Diplomohet për pedagogji dhe psikologji. Në vitet studentore aktivizohet në demostratat antifashiste të emigracionit shqiptar deri në prill 1939. Në vitin 1941 kthehet në Atdhe dhe emërohet mësues në Korçë, më pas drejtor i Gjimnazit të Korçës dhe të Shkodrës. Më pas punoi si inspektor Arsimi dhe këshilltar i zëvendëskryeministrit në Këshillin e Ministrave. Në vitin 1957 Dhori Samsuri kalon në shërbimin Diplomatik. Ai përfaqëson Shqipërinë në shumë kongrese e konferenca ndërkombëtare. Në vitin 1965, emërohet në Ambasadën tonë në Budapest dhe përsëri në Dikasterin e Jashtëm vazhdoi punën, derisa del në pension në vitin 1976.
Referencat:
Thimi Çollaku / Kalendari i botës shqiptare
You may also like
-
29 Mars 1915, Nikollë Ivanaj botoi në Shkodër numrin e parë të gazetës ”Lidhja Kombëtare”
-
29 Mars 1913, Ismail Qemali, Luigj Gurakuqi dhe Isa Boletini u nisën për në Londër
-
29 Mars 1925, ra duke luftuar në shpellën e Dragobisë Bajram Curri
-
29 Mars 1925, ministri Myfit Libohova nënshkroi marrëveshjen për themelimin e Bankës Kombëtare
-
29 Mars 1945, Qeveria Shqiptare bëri kërkesën zyrtare për pranimin në OKB